Ismim Husnida, yoshligimdan chet elga chiqish va o‘qish orzusi bilan yashaganman. 2016-yil yozida “Vorislar” nomli koreys dramasini ko‘rib, uning qahramonlari va madaniyati menga juda katta ta’sir qildi. Shu vaqtning o‘zida mustaqil ravishda koreys tilining alifbosini o‘rganishga kirishdim. Yillar o‘tib, orzularim ro‘yobga chiqib, 17 yoshimda Koreyaga keldim va sevimli institutimda tahsil olishni boshladim.
Koreyada yashash davomida meni eng ko‘p ruhlantirgan narsa — bu ilmga bo‘lgan cheksiz mehr va izlanishdir. Men har safar kutubxona yoki study caféga dars qilishga kirganimda, u yerda o‘tirgan talabalar daftar va ruchkalari yoki iPad va kompyuterlaridan foydalanib, juda diqqat bilan o‘qishlarini ko‘rib hayratda qolaman. Ularning ilmga bo‘lgan jiddiy munosabati meni ham o‘z ustimda yanada ko‘proq ishlashga undaydi.
Koreyaliklarning bilimga hurmati va odamlar bilan odobli, samimiy muomalasi menga chuqur ta’sir qildi. Men uchun Koreya — nafaqat ta’lim maskani, balki hayot maktabi bo‘ldi. Bugun men bilamanki, ilm va bilim yo‘li har bir inson uchun eng ulug‘ yo‘ldir. Koreya menga shuni o‘rgatdi: haqiqiy kuch va muvaffaqiyat — doimiy o‘qish va o‘z ustida ishlashda. Shu sababli, men kelajakda bilim bilan dunyoga o‘z hissamni qo‘shaman deb ishonaman.

• 

추천해요 2 별로에요 0